အဆောက်အဦနည်းပညာဌာန

အဆောက်အဦနည်းပညာဌာန

အဆောက်အဦးနည်းပညာဘာသာရပ်၏ အဓိကရည်ရွယ်ချက်မှာ လမ်း(Road)၊ တံတား (Bridge)၊ အဆောက်အဦ (Structure)၊ စက်ရုံ(Indestry)၊ အလုပ်ရုံ(Workshop)စသည်တို့ကို ခေတ်မှီနည်းပညာများဖြင့် တိကျမှန်ကန်မြန်ဆန်စွာ ဖော်ဆောင်ပြီး နိုင်ငံတော်ခေတ်မှီ ဖွံ့ဖြိုးတိုးတက်အောင် ဆောင်ရွက်ပေးနိုင်ဖို့ ဖြစ်ပါသည်။ အဆောက်အဦနည်းပညာ တိုးတက်ကောင်းမွန်ရေး၊ နိုင်ငံတကာနည်းပညာနှင့်ရင်ဘောင်တန်းနိုင်ရေးတို့အတွက် စာတွေ့၊ လက်တွေ့ ကျွမ်းကျင်ပိုင်နိုင်မှု အထူးရှိရမှာဖြစ်ပါသည်။ဒါကြောင့် စာတွေ့အနေနဲ့ အခေါ်အဝေါ် အတွက်အချက်နှင့် လက်တွေ့အနေနဲ့ Surverying(တိုင်းတာခြင်း)၊ Drawing(ပုံဆွဲခြင်း)တို့အပြင် Carpentry (လက်သမားပညာ)နှင့် Masonry(ပန်းရံပညာ)စသည်တို့ကိုပါ အဆောက်အဦနည်းပညာ ဘာသာရပ်မှာ သင်ကြားပေးမှာဖြစ်ပါသည်။

GTHS (BT) Diploma အောင်လက်မှတ်ရရှိဖို့အတွက် (၃)နှစ်ပညာသင်ကြားရမည်ဖြစ်ပြီး စာသင်နှစ် တစ်နှစ်ကို စာမေးပွဲကြီး(၂)ကြိမ် ဖြေဆိုရမည်ဖြစ်ပါသည်။ အဆောက်အဦနည်းပညာ ဘာသာရပ်၏ စာသင်ကြားမှုစနစ်မှာ လက်တွေ့(၆၀%) နှင့် စာတွေ့ (၄၀%) ဖြစ်ပါသည်။ စာသင်နှစ်တစ်နှစ်အပြီးတွင် ပထမနှစ် ကျောင်းသား/သူများမှာ လက်တွေ့ကွင်းဆင်းလေ့လာမှု များကို (၁)လ ပြုလုပ်ရမည်ဖြစ်ပြီး ဒုတိယနှစ် ကျောင်းသား/သူများမှာ လုပ်ငန်းခွင်သွားရောက် လေ့လာမှုများကို (၂)လပြုလုပ်ရမည်ဖြစ်ပါသည်။